Paräis, wou den Ament d‘olypmesch Spiller oflafen, wier net betraff. Bei de Sabotage-Akte wiere grouss Sektioune vu Kabel duerchgeschnidde ginn, esou de Grupp SFR, dee vu Vandalismus schwätzt. Et hätt nach keen d‘Attack revendiquéiert, esou nach d‘AFP.
De Virfall hätt Auswierkungen op de Festnetz an den Handysréseau. Och vun auslänneschen Operateuren, déi de Réseau vun SFR notzen, esou d‘Zeitung Le Parisien.
Wat d‘Sabotage-Akten op de franséischen Zuchreseau ugeet, esou mécht de franséischen Inneminister Gérald Darmanin Lénksextremiste verantwortlech fir d‘Attacken. D‘Attacke géingen engem "traditionelle Virgoe vu Lénksextremisten“ entspriechen, sot de Gérald Darmanin géigeniwwer France 2.
Hie confirméiert iwwerdeems, datt ee lénksextremen Aktivist gëschter festgeholl ginn ass. Am Auto vum Verdächtege wier ee Schlëssel fir déi technesch Anlage vun der SCNF fonnt ginn an Zaangen.