Drife, d‘Indie-Rocker aus dem Norde vum Land hunn en neien Ourewuerm dobausse mat „On The Run“. D‘Hamburger Veteranen Tocotronic äntfere wéi ëmmer intelligent an engagéiert op all Zort vun Terror, wärend de Kanadier Caribou e weideren, KI-ënnerstëtzten Track vu senger Plack „Honey“ erausbréngt. Dir wëllt net méi wéi en agängege Popsong? Lauschtert Iech „Perfect Stranger“ un, ee Virgeschmaach op hir nei Plack EUSEXUA, déi fir Enn Januar annoncéiert ass. The Cure hir nei Plack „Songs of a Lost World“ gëtt als pessimistescht Spéit-Meeschterwierk ugesinn, an d‘Single „A Fragile Thing“ ass ee vun deene beschten Titelen… zulescht dann nach Don Piano, déi Lëtzebuergesch Jazz- an Hiphop Equipp ronderëm de Batteur John Wolter, déi mam dubby-hierschtlechen „Pouring Rain“ iwwerzeegen!
Op d‘Oueren! 25.10.2024
- Drife – On The Run
- Tocotronic – Denn sie wissen was sie tun
- FKA twigs – Perfect Stranger
- Caribou – Come Find Me
- Jordana – Raver Girl
- The Cure – A Fragile Thing
- Don Piano – Pouring Rain