Eng verdächteg Persoun hat en Dënschden en Amokalarm am Réidener Lycée ausgeléist. Schlussendlech war näischt geschitt. Datt a sou Situatiounen trotzdem Angscht a Panik entseet, ass awer normal an et ka sinn, datt een Trauma bleift, seet d‘Nathalie Kneipes, Directrice vum CEPAS, also dem psychosoziale Service vun de Lycéeën. Am Réidener Lycée géif awer näischt dorop hindeiten.
Et ass awer och esou, datt d‘Personal vum CEPAS net op d‘Schüler:innen zou geet. Déi musse, wa si iwwer eng eventuell Belaaschtung schwätze wëllen, d‘Psychologinnen a Psychologen kontaktéieren. Dat wier zu Réiden awer proaktiv kommunizéiert ginn, betount d‘Nathalie Keipes.
Schoulen hu Kriseninterventiounsekippen
D‘Psychologen a Psychologinne wieren iwwerdeems op esou Situatioune virbereet. Nieft hinne gëtt et an de Schoulen och sougenannt Kriseninterventiounsekippen. Do si Membere vun der Direktioun, d'Administratioun a vun den Equipes Educatives et Psychosociales vertrueden.
Fir déi Ekippe si Prozeduren en place, wat d‘Organisatioun vun der Schoul ugeet, och déi Deeg duerno. Dofir géifen och Simulatioune gemaach gi fir erauszefannen, wéi kommunizéiert gëtt, an awer och wéi zum Beispill vulnerabel Schüler:innen identifizéiert