Vu Frankräich iwwer Éisträich bis erop a Skandinavie geet et musikalesch e Sonndeg, den 8. Mäerz, vun 11 Auer u mat der Deutsche Radio Philharmonie Saarbrücken Kaiserslautern (DRP).
Mel Bonis, Wolfgang Amadeus Mozart a Carl Nielsen heeschen dräi Komponisten, déi den Dirigent Michael Schønwandt ënner dem Theema Legenden an Temperamenter zesummebréngt.
Datt de Mozart eng Legend ass, versteet sech vum selwen. Vun him spillt d’DRP de Pianosconcerto Nr. 27 mam Paul Lewis als Solist.
Virdru sinn et “Trois femmes de légende” vun der franséischer Komponistin Mélanie Bonis.
Choleeresch, phlegmatesch, melancholesch a sanguinesch: dës véier Temperamenter beschreift de Carl Nielsen a senger 4. Symphonie, déi am zweeten Deel um Programm steet.
Den Opus 100,7 an SR Kultur iwwerdroen dës Matinée vun der Deutsche Radio Philharmonie Saarbrücken Kaiserslautern zesumme live aus der Saarbrécker Congresshalle.
Programm:
Mélanie Bonis:
“Trois femmes de légende pour orchestre”:
“Le songe de Cléopâtre” op.180 Nr. 2
“Ophélie” op.165 Nr. 2
“Salomé” op.100 Nr. 2
Wolfgang Amadeus Mozart: Concerto fir Piano a Si bémol Majeur, KV 595
Carl Nielsen: Sinfonie Nr. 4, op.16 “Déi véier Temperamenter”
Interpreten:
Deutsche Radio Philharmonie
Michael Schønwandt, Dirigent
Paul Lewis, Piano
