Klassik Album vun der Woch
Minimal Music fir Sträichquartett
5 min
Et ass keng Musek vum Pionéier vun der Minimal Music Philipp Glass, mee tatsächlech en italieenesche Komponist: De Filippo Cosentino. Säi neien Album heescht “Ascension”, also Himmelfahrt op Englesch. Op deem gi seng Sträichquartetter Nr. 5-8 vum Quartetto Speranza gespillt.
De Komponist schreift awer net nëmme Minimal Music, mee gouf och vum Pop, Jazz a Blues beaflosst.
E Synthesizer mat engem Sträichquartett
De Komponist spillt och Piano, Gittar a Bass. Am Quartett Nr. 5 spillt hie Synthesizer a begleet de Quartetto Speranza. De Quartetto Speranza, dat sinn iwweregens Museker a Musekerinnen aus dem Sinfoneschen Orchester vu Budapest. D'Klangfaarw vum Synthesizer vermëscht sech komplett mat där vun de Sträicher, soudatt en zwar heiansdo liicht ënnergeet, et awer zu engem groussen Touncluster vermëscht.
Datt et no Filmmusek kléngt, ass keen Zoufall
Genee wéi de Philipp Glass ass de Filippo Cosentino och e Filmkomponist an huet och scho fir e puer Filmer an Dokuen de Soundtrack geschriwwen. Et ass eng einfach Musek, déi gläichzäiteg vill Emotioune vermëttelt, genee wéi eng narrativ Struktur. Et ass schéin, bal meditativ Musek, déi heiansdo liicht ustrengend wierkt. Déi méi dissonant Akkorde ginn awer nees opgeléist, an et kritt een e Gefill vun emotionaler Opléisung. An engem Film kënnt de Protagonist jo och op Schwieregkeeten duer, éier déi opgeléist ginn, an et en Happy End gëtt.
Presentéiert vum
- Marie Trussart
Episoden
Reimagined
Den Debut-Album vum däitschen Trio étoiles mat Wierker fir Piano an zwee Saxophonen.
"authentique"
Den Cellist Marc Coppey an de Pianist François Dumont interpretéiere sämtlech Wierker fir Cello a Piano vum Gabriel Fauré.
Neapology
Deen neien Album vum neapolitanesche Pianist Genny Basso
Vun de Karpaten op déi grouss Bün
Folkloristesch Rhythmen, byzantinesch Tounarten an eng ideal Symbios tëschent Solist, Orchester an Dirigent.
Musek iwwer d’Krokodillen an d’Natur vu Florida
Deen neien Album vum Founders Trio mat Wierker vum Amerikaner John D. Gottsch
Suitte vun Dieupart a Bach
Den Ensembel Marsyas Baroque spillt Suitte vum Charles François Dieupart a vum Johann Sebastian Bach.
Wann d'Feier brennt
Deen alleréischten Album vum spueneschen Ensemble Bayona mam Titel “Cuando el Fuego Abrasa”
Jonken Duo voller Feier a Flam
De ganz neien Album “Sparks of Spirit” vum jonke Geschwësterduo “Klavierduo Neeb”
Folias Americanas
Zwee Kontinenter, zwou Epochen, zwou Kulturen: Deen neien Album vum Ensemble Vedado mat Kammermusek vum Marais an Àlvarez
Entdeckerfreed
De Pablo Heras-Casado an de Mahler Chamber Orchestra presentéieren ënner anerem zwee méi onbekannte Wierker vum Manuel de Falla.
The Guitar Player
De Gittarist Mattias Schulstad spillt schweedesch Vollekslidder a beléifte Wierker aus dem Gittarerepertoire.
