De Referenzlaboratoire fir den Depistage ass elo net méi Laboratoires Réunis, mee Bionext. Weider kënne Leit, déi eng Invitatioun kruten, sech an Zukunft hir Depistage-Kitte mam sougenannten FIT-Test an d'Apdikten oder Bionext-Laboratoire siche goen.
Persounen, déi scho beim Programm matgemaach hunn, kréien hire Kit an Zukunft automatesch heemgeschéckt. De Programm adresséiert sech u Residenten an Netresidenten zu Lëtzebuerg am Alter tëschent 45 a 74 Joer, déi bei der CNS affiliéiert sinn.