Et ass eng al Traditioun an Däitschland: Wann e Regierungschef oftrëtt, seet d'Arméi him oder hir offiziell Äddi. Mat enger grousser Zeremonie am Verteidegungsministère zu Berlin, ënner anerem mat Musek, déi de Kanzler selwer ausgewielt huet.
A senger leschter Ried als Kanzler huet den Olaf Scholz du Merci gesot: De Biergerinnen a Bierger, an och senge politesche Begleeder. An hien huet drun erënnert, datt d'Demokratie - an och déi ziviliséiert Muechtiwwergab - grad an dësen Zäiten näischt Selbstverständleches wier.
"Oft heisst es, dieses Verständnis von Gemeinsamheit zerbröckele zusehens. Die Fliegkräfte seien einfach zu stark. Ja, dieses Risiko dürfen wir nicht unterschätzen. Und doch haben die vergangenen Jahre auch gezeigt: Gerade in Krisenzeiten steht unser Land zusammen und wächst dadurch über sich hinaus."
Onpopulär Entscheedunge getraff
De Verdteidegungsminister Boris Pistorius sot, datt d'Kanzlerschaft vum Olaf Scholz ënner schwéierste Konditiounen ugaange wier: Just dräi Méint no sengem Amtsuntrëtt huet Russland d'Ukrain iwwerfall.
"Du musstest in dieser Zeit mit schweren Entscheidungen ringen. Entscheidungen, die eben auch nicht immer populär waren, die aber stets mit Weitsicht zum Wohle unseres Landes von dir getroffen wurden."
Zum Ofschloss vu senger Ried huet den Olaf Scholz sengem héchstwarscheinlechen Nofollger Friedrich Merz gutt Fortune gewënscht.
Wann de Friedrich Merz de Moien déi néideg Majoritéit am Parlament kritt, gëtt hien duerno vum Bundespresident Frank-Walter Steinmeier zum Bundeskanzler ernannt.
