Als Solo-Klarinettist bei de Lëtzebuerger Philharmoniker huet den Arthur Stockel eng klassesch Ausbildung hanner sech. Am leschten Extrait vum Klassik Talk huet hien dann och seng Erfarungen als Orchestermuseker gedeelt. Trotzdeem spillt och een anere Genre eng wichteg Roll a sengem Liewen: den Jazz.
Als Kand huet säi Proff him den Jazz méi no bruecht, an a Covidzäiten huet hien ugefaangen, reegelméisseg un Jam-Sessions zu Paräis deelzehuelen. An do huet hien eng ganz nei Perspektiv op d'Musek kritt, déi de Fokus e bësse vun der technescher Perfektioun ewechlenkt.
