1. D'Kinnigin aus der Loft
Déi historesch Figur Amelia Earhart erwächt an enger neier Oper vun der Lëtzebuerger Komponistin Albena Petrovic zum Liewen.
Et ass just en Ufank vun enger 6-deeleger Serie. D'Protagonistin an der éischter Oper ass d'Amelia Earhart. Als Fra huet si vill Rekorder opgestallt. Ënner anerem ass si als éischt Pilotin eleng iwwert den Atlantik geflunn.
D'Lëtzebuerger Komponistin Albena Petrovic huet dës Liewensgeschicht an engem Monodrama verschafft, eng Kammeroper mat nëmmen enger Sängerin. Mat dobäi ass de Lëtzebuerger Ensembel "United instruments of Lucilin". D'Opféierung war den 8. Mäerz 2025 um 18:00 am Kapuzinertheater an der Stad.
2. Harp in Harmony
D'Catherine Beynon weist déi verschidde Facettë vun hirem Instrument.
D’Harf ass e ganz doucet, rouegt a langweilegt Instrument, dat dacks just da genotzt gëtt, wann et drëm geet, datt d’Musek eng verdreemt Stëmmung kritt. Mee stëmmt dat? “Nee”, seet d’Catherine Beynon. Fir déi verschidde Facette vun hirem Instrument ze weisen, ass d’Harfenistin vun de Lëtzebuerger Philharmoniker e Sonndeg um 11 Auer am Kammermusekssall vun der Philharmonie opgetrueden, dat mat anere Membere vum Orchester. E Programm ronderëm den Titel Harp in Harmony. De Luc Boentges huet mat der Solistin iwwer d’Harf an d’Affiche vun dësem Concert apéritif geschwat.
3. Perspectives concertantes - Eise Klassik Album vun der Woch
D'Harfenistin Anaëlle Tourret huet d'Concertoe vum Reinhold Glière an Ernst von Dohnányi mat zwee verschidden Orchesteren opgeholl.
Hiren Album "Perspectives concertantes" bitt direkt zwee Concertoen un: ee grousst Wierk aus dem Standardrepertoire (de Concerto vum Reinhold Glière) an eng Entdeckung (de Concertino vum Ernst von Dohnányi. Des Wierker si gekoppelt mat der Danse sacrée a profane vum Debussy.
4. "Auch der ganze Tag ist mein life"
D'Ana Maria Tzekov, huet zanter Juli 2024 d'kënschtleresch Leedung vum CAPE iwwerholl. Am Gespréich mam Marie Trussart erzielt si, wéi een et trotz der héijer Verantwortung packt, eng gutt Work-Life Balance ze halen, wéi hir Erfarungen am Wiener Theater an an der Philharmonie zu Lëtzebuerg hir Visioun fir de CAPE präägt. Si erkläert wouraus d'Aarbecht vun enger Directrice artistique besteet an iwwerhaapt: wéi et hir geet.
