An de grousse Stied Madrid a Barcelona gëtt et keen Elektresch am Moment, um ganze spueneschen Territoire sinn d‘Zich stoe bliwwen, op de Fluchhäfen ass Chaos. De spuenesche Stroumnetzbedreiwer Red Electrica mellt, datt een am gaangewier, drun ze schaffen. D‘Ursaach ass bis elo net kloer. De Bedreiwer rechent domat, dass et 6-10 Stonne wäert daueren, bis d'Pann behuewen ass.
D'Leit sollen doheem bleiwen
De spuenesche Premier Pedro Sanchez huet eng Krisereunioun zu Madrid aberuff. D‘Spuenier sinn opgeruff ginn, wann net néideg, doheem ze bleiwen.
D‘EU-Kommissioun huet elo matgedeelt, datt een a Kontakt wier mat de spueneschen a portugiseschen Autoritéiten, fir d‘Ursaach festzestellen. Och déi franséisch Gestionnaire wieren am gaangen ze hëllefen, fir de Stroum-Reseau op der Ibeerescher Hallefinsel ze realimentéieren.
Och Portugal, Andorra a Frankräich betraff
Och a Portugal gëtt et a verschiddene Gebidder e Blackout, grad wéi an Andorra.
Am Süde vu Frankräich war och de Stroum fort. Do konnt d‘Pann awer no puer Minutte rëm behuewe ginn.
