/ Vancouver: Auto rennt a Mënschemass - Doudeger a Blesséierter gi gemellt
Zu Vancouver a Kanada ass een Automobilist wärend engem Festival an eng Mënschemass gerannt. Déi lokal Police schwätzt vun enger Partie Doudeger a méi blesséierter. De Chauffeur hat probéiert fortzelafen, konnt dunn awer festgehale ginn a wier elo a Garde à vue. Hannergrënn vun der Dot ginn et bis ewell nach keng.
1 min
Lokale Medien no soll de Virfall op engem philippinnesche Fest geschitt si mat dausende Visiteuren. De Buergermeeschter vu Vancouver huet sech schockéiert gewisen a säi Bäileed ausgedréckt.
Éischten Informatiounen no soll et sech ëm een 30 järege presuméierten Täter handelen. D‘Police geet den Ament net vun engem Terror-Akt aus.
