Och hätt d’Regierung vum Michel Barnier hir Decisioun net mat de Provënzen ofgeschwat. De Buergermeeschter seet, hie wier duerch d’Press gewuer ginn, datt d’Grenzkontrolle sollen agefouert ginn.
„De manière générale, j'aimerais qu'entre l'État central parisien et les provinces, il y ait davantage effectivement de débats et plus de prise en compte des spécificités territoriales.“
De Buergermeeschter vu Mont-Saint-Martin seet, hie géif erkennen, datt et Sécherheetsprobleemer an de Grenzregioune géif ginn. Mee d’Grenzkontrolle kéinten awer och dem Bild vun Europa schueden.
Den Inneminister Léon Gloden schwätzt eegenen Aussoen no des Woch nach eng Kéier mam franséischen Inneminister. Den CSV-Politiker hat d’lescht Woch net mat negative Repercussiounen op de Grenztraffic gerechent.