Klassik Aktuell
"Ech si frou erëm zu Lëtzebuerg ze sinn, an dëser herrlecher Hal"
4 min
Wéi den Timothy Ridout als klenge Jong d'Titelmelodie vun Harry Potter op enger Braatsch héieren huet, war hie selwer wéi verzaubert. Et war dee Moment datt hien och dat Instrument spille wollt.
Den Dënschde 15. Oktober kënnt de 29-järege Braatschist scho fir säin drëtte Concert op Lëtzebuerg. An der Philharmonie spillt hien zesumme mat dräi weidere jonke Musekerinnen a Museker: der Hyeyoon Park op der Gei, dem Kian Soltani um Cello an dem Benjamin Grosvenor um Piano.
Um Programm steet Kammermusek vu Richard Strauss a Johannes Brahms. An engem Gespréich mam Marie Schockmel huet den Timothy Ridout ënner anerem verroden, wéi et fir hien ass elo erëm zeréck op Lëtzebuerg ze kommen, a wat him Freed mécht nieft dem Musek maachen.
Episoden
Final Match
United Instruments of Lucilin mat Wierker vu Lanza, Benjamin, Kagel an Tsangaris
Wien gëtt Successeur vum Victor Puhl?
Den Tréierer Generalmusikdirektor hält no der Saison 2017/2018 op.
Den Iechternacher Festival steet virun der Dier
Lancéiert gëtt de Festival mat engem Concert vum Artist in Residence Daniel Hope.
De Jacques Mercier hält op
Seng lescht Saison als Chefdirigent vum Orchestre national de Lorraine steet ënnert engem Thema, dat hie scho zanter längerem opreegt.
Eng Schëfflenger Affaire
Den Trompettist Philippe Schartz an den Doumorganist Paul Breisch hunn een Disque opgeholl.
De Georg Philipp Telemann (1681-1767)
De Barockmeeschter ass de Komponist vum Mount Juni um radio 100,7.
"Wann een emol Mahler am Blutt huet, gëtt een en net méi lass"
Den Organist David Briggs an de Bariton David Pike huelen Mahler-Lieder op.
"Eise Produit ass net méi gefrot."
D'Opéra du Trottoir hält op.
