Mir feieren dräi Joresdeeg vu Komponiste mat wonnerschéiner Musek a ruffen um Dag vum Buergbrennen de Summer mat enger Samba.
Programm:
- Buergbrennen: de Wanter soll verbrannt ginn, fir datt déi waarm Joreszäit kann ugoen. De Christophe Mirkes huet eng Musek erausgesicht, fir Iech de Summer-Feeling musikalesch scho mol mat op de Wee ze ginn.
- Léo Délibes: dëse Weekend wier de franséische Romantiker 190 al ginn. Géinge mir haut nach vun him schwätzen, wa säi One-Hit-Wonder (Duo des Fleurs) hien net iwwerlieft hätt?
- Niels Wilhelm Gade: haut virun 209 Joer zu Kopenhagen op d'Welt komm. Firwat kléngt seng Musek net nordesch mee éischter no däischter Romantik?
- Hugo Wolf: 123. Doudesdag. Seng Liederzykle sinn haut nach bei engem breede Publikum beléift. Säi beweegten an tragescht Liewen ass deene meeschte vun eis warscheinlech net bekannt.